fbpx

Në mesin e 11 të vrarëve edhe dy fëmijë, autori i sulmit në Cetinjë vritet nga një bashkëqytetar

HomeLajmeRajoni

Në mesin e 11 të vrarëve edhe dy fëmijë, autori i sulmit në Cetinjë vritet nga një bashkëqytetar

Në Medovinë të Cetinjes në Mal të Zi, janë vrarë 11 persona dhe gjashtë tjerë janë plagosur – e në mesin e të plagosurve është edhe një zyrtar policor.

Këtë e ka konfirmuar për transmetuesin publik të Malit të Zi, drejtori i policisë në Cetinjë.

Ndërkohë është bërë e ditur se edhe autori i këtij sulmi vdekjeprurës, dhe tani pritet të konfirmohet nëse është vrarë nga policia gjatë konfrontimit me ta apo një bashkëqytetar.

Gjykatësja Andrijana Nastiq ka bërë të ditur për Vijesti, se janë vrarë dy fëmijë, e dyshimet e para çojnë në atë se ai është vrarë nga një bashkëqytetar, e jo policia siç është raportuar në fillim.

Mësohet se tragjedisë i parapriu një konflikt familjar – ku më pas sulmuesi filloi të shtie mbi kalimtarët e rastit. Bëhet fjalë për 34-vjeçarin Vuk Borilloviq, që shtiu edhe mbi fëmijë.

Në spitalin e Cetinjes janë hospitalizuar dy persona të plagosur, derisa katër tjerë janë transportuar në qendrën klinike në Podgoricë.

Pjesa e qytetit ku kishte ndodhur sulmi është bllokuara plotësisht dhe janë vërejtur shtim forcash policore. Ndërkaq shumë qytetarët “pushtuan” spitalet për të mësuar më shumë për familjarët e tyre.

x