fbpx

Ndryshon moti, ja çfarë temperatura na presin nga e marta

HomeLajmeRajoni

Ndryshon moti, ja çfarë temperatura na presin nga e marta

Instituti Hidrometeorologjik i Kosovës njofton se në pesë ditët e ardhshme do të ketë ndryshim të temperaturave.

Siç njofton IHMK, Nga dita e marte, vendi ynë do të jetë nën ndikimin e masave të ajrit me origjinë nga verilindja të cilat do të kushtëzojnë mot relativisht të freskët, me vranësira të mesme të cilat do të mundësojnë reshje lokale shiu.

Temperaturat minimale do të lëvizin ndërmjet 13-15 gradë Celsius, ndërsa maksimalet e ditës parashihen të lëvizin ndërmjet 22-35 gradë Celsius

Njoftimi i plotë:

Dita e fundit e muajit gusht do të vijoj me kushte të ngjashme meteorologjike. Diell dhe vlera të larta të temperaturave maksimale do shënohen ditën e hëne. Nga dita e marte, vendi ynë do të jetë nën ndikimin e masave të ajrit me origjinë nga verilindja të cilat do të kushtëzojnë mot relativisht të freskët, me vranësira të mesme të cilat do të mundësojnë reshje lokale shiu. Të mërkurën nuk parashihet të ketë reshje, por dita do të jetë relativisht e freskët.

Nga dita e enjte sërish parashihen reshje. Për shkak të luhatjeve të parametrave bazik, reshjet do të shoqërohen me shkarkime rrufesh dhe stuhi lokale. Temperaturat minimale do të lëvizin ndërmjet 13-15 gradë Celsius, ndërsa maksimalet e ditës parashihen të lëvizin ndërmjet 22-35 gradë Celsius. Vlerat e temperaturave 35 gradë parashihen vetëm ditën e hënë, kurse ditët tjera të javës konsiderohen si të freskëta për shkak të prezencës së masave të ajrit nga verilindja e kontinentit. Do të fryjë erë nga jugperëndimi, por dominuese do të jetë drejtimi i verilindjes, ku shpejtësia e erës mund të arrij maksimumin deri 12 m/s.

COMMENTS

x