fbpx

Meksika kundër Argjentinës: lufta fillon tri ditë para ndeshjes, por me një përleshje mes tifozëve

HomeLajme

Meksika kundër Argjentinës: lufta fillon tri ditë para ndeshjes, por me një përleshje mes tifozëve

Ndeshja mes Meksikës dhe Argjentinës do të jetë vendimtare për aspiratat e të dyja skuadrave kombëtare, veçanërisht për amerikano-jugorët, pasi një humbje do t’i linte ata jashtë Kampionatit Botëror “Katar 2022”. E kur kanë mbetur edhe tre ditë para ndeshjes, tashmë ka një ndjenjë nervozizmi në ambientet e turneut, por me tifozët, pasi këtë ditë ata ishin protagonistë të një sherri.

Tifozët e të dyja skuadrave kanë pasur një përplasje të dhunshme në rrugë para një ndeshje që do të jetë e komplikuar për lojtarët. Sipas një videoje që qarkullon në rrjetet sociale, tifozët e të dyja skuadrave janë përleshur mes vete. Ndonëse nuk ka një raport zyrtar, përmendet se disa persona janë lënduar.

Nuk raportohet as për prezencën e autoriteteve nga vendi pritës i Kupës së Botës dhe ata nuk shihen në video, por situata duket e komplikuar, sidomos për shkak se kanë mbetur edhe tre ditë që ndeshja të zhvillohet në stadiumin Lusail, ku priten 80 mijë tifozë, të etur për emocione dhe për të parë fitoren e kombëtares së tyre dhe afrimin me fazës e 16-tës.

Goditjet, shkelmat dhe ofendimet janë konstante në videon që po qarkullon në rrjetet sociale, nën vështrimin e dhjetëra shikuesve që regjistrojnë vetëm momentin; meksikanët shajnë dhe shqiptojnë emrin e Lionel Messit. Argjentinasit preferojnë të vazhdojnë rrugën pas përplasjes së dhunshme, ndërsa disa tifozë të Meksikë vazhdojnë t’i provokojnë.

Meksikë-Argjentinë, një lojë që amerikano-jugorët nuk mund ta përballojnë ta humbin

Meksika do të mbërrijë në këtë ndeshje pas një paraqitjeje të mirë ndaj Polonisë, ndeshje që përfundoi në barazim pa gola, por ku Guillermo Ochoa priti një penallti; Nga ana tjetër, Argjentina vjen pas humbjes befasuese 2-1 ndaj Arabisë Saudite, duke rrezikuar pjesëmarrjen e saj në Botëror, pasi një humbje këtë fundjavë mund t’i lërë jashtë turneut.

Nga ana tjetër, FIFA hapi një hetim kundër Meksikës për thirrjet e pretenduara diskriminuese të bëra nga tifozët e saj kundër Polonisë, të cilat me siguri do të përsëriten dhe në numër më të madh për shkak të rivalitetit me Argjentinën./Telegrafi