Largohen edhe 51 shtetas afganë nga Kosova për në Amerikë

HomeLajmeKosovë

Largohen edhe 51 shtetas afganë nga Kosova për në Amerikë

51 qytetarë afganë, të cilët javë më parë u strehuan në Kosovë për shkak të gjendjes së krijuar në Afganistan, janë nisur për në Shtetet e Bashkuara të Amerikës.

Kështu ka bërë të ditur ministri i Punëve të Brendshme, Xhelal Sveçla, në Facebook.

“Sapo u përshëndetëm me 51 qytetarë afganë, të cilët i strehuam përkohësisht për disa javë në Republikën e Kosovës. Si pjesë e marrëveshjes me Qeverinë e Shteteve të Bashkuara të Amerikës, ata do të vazhdojnë rrugëtimin e tyre për një jetë më sigurt dhe më të mirë në SHBA”, ka shkruar Sveçla.

Ai shtoi se Qeveria e Kosovës, bashkë me NATO-n dhe Qeverinë e SHBA-ve, do të vazhdojë bashkëpunimin edhe më tutje, për të realizuar transferimin e qytetarëve afganë nga Kosova për në vendet e tjera.

“Jemi të përkushtuar për një shoqëri demokratike dhe që bashkë me aleatët tanë të ndihmojnë në ndërtimin e paqes dhe stabilitet në rajon dhe më gjerë”, shkroi tutje Sveçla.

Përmes këtij postimi, Sveçla ka publikuar edhe disa fotografi ku shihen zyrtarët e MPB-së deri sa po përshëndeten me qytetarët afganë.

COMMENTS