fbpx

Ky është shteti që ka mposhtur koronavirusin tërësisht, 100 ditë pa asnjë rast!

HomeLajmeBota

Ky është shteti që ka mposhtur koronavirusin tërësisht, 100 ditë pa asnjë rast!

Tajlanda nuk ka regjistruar asnjë rast lokal me koronavirusin e ri (COVID-19) për 100 ditë me radhë.

Sipas Ministrisë së Shëndetësisë, tetë raste tjera me COVID-19 u zbuluan gjatë 24 orëve të fundit. Të gjithë janë persona që kanë udhëtuar kohët e fundit jashtë vendit.

Këto përfshijnë një familje amerikane prej katër anëtarësh që ishte në karantinë pasi mbërriti në vend më 19 gusht.

Rastet e reja e çuan numrin e përgjithshëm të rasteve në Tajlandë në 3,425, përfshirë 58 të vdekur dhe 3 274 të shëruar.

Sipas “Bloomberg News”, pa transmetim në komunitet që nga 26 maji, Tajlanda është bërë vendi i tretë që shënon 100 ditë pa një infeksion lokal me COVID-19, duke u bashkuar me Tajvanin dhe Zelandën e Re.

Tajlanda shpalli gjendje të jashtëzakonshme në mars dhe mbylli kufijtë e saj për të huajt, pavarësisht ndikimit pasues në sektorin jetësor të turizmit në këtë vend.

Qeveria filloi të lehtësojë disa kufizime në maj pasi rastet e përditshme shënuan rënie në vendin me shumicë budiste.

COMMENTS

x