Kusherirja e Rita Orës emërohet nën-kryetare e Prishtinës, mediat e huaja shkruajnë se ato nuk flasin mes vete!

1 minute, 16 seconds Read

Donjeta Sahatçiu është emëruar sot nënkryetare e Komunës së Prishtinës nga radhët e Partisë Demokratike të Kosovës.

Emërimi i saj në këtë pozitë është bërë i ditur nga nënkryetari i kësaj partie, Uran Ismaili, në një konferencë për media.

Sahatçiu është kushërirë e afërt e këngëtares me famë botërore Rita Ora, për të cilën kohë më parë pati shkruar Daily Mail.

Në një intervistë të vitit 2016 dhënë për gazetën prestigjioze, motra e Donjetës, Dorotea, kishte rrëfyer problemet e saj që kishte për të arritur t’i afrohej këngëtares Rita Ora në edicionin e vitit 2015 të “X Factor” në Britani të Madhe.

“Daily Mail” shkruante se Rita, që tani është sensacion dhe një milionere, ndërsa kushërirat e saj Dorotea e Donjeta jetojnë akoma në një “territor kontrovers politik në Ballkan”.

Por pas këtyre shkrimeve pati reaguar nëna e këngëtares, Vera, përmes rrjeteve sociale duke thënë: Dorotea Sahatçiu: Ti ndoshta nuk e di për këtë por ti apo kushdo tjetër nuk duhet të jap intervistë pa pyetur, sepse gazetarët dinë të jenë edhe hileqarë ndërsa ti gjithashtu praktikisht nuk e njeh Ritën” pati shkruar ajo.

Ndryshe nënkryetarja e re e kryeqytetit kosovar nuk ka llogari në rrjete sociale dhe nuk dimë nëse kushërirat kanë krijuar kontakt me njëra-tjetrën.

Publikime te ngjashme

Leave a Reply

Your email address will not be published. Required fields are marked *