fbpx

Kurti për The Washington Post: Nuk mund ta njohim Serbinë derisa ajo nuk e njeh Kosovën, duhet njohje reciproke

HomeLajmeKosovë

Kurti për The Washington Post: Nuk mund ta njohim Serbinë derisa ajo nuk e njeh Kosovën, duhet njohje reciproke

Kryeministri Albin Kurti ka rrëfyer për përpjekjet e tij për arritjen e një marrëveshje finale me Serbinë në dialog, bisedimet me presidentin serb Aleksandar Vuçiq dhe ndikimin rus në Ballkanin Perëndimor, në një bisedë për gazetën amerikane The Washington Post.

Shefi i qeverisë ka diskutuar për të gjitha këto çështje, madje ka ndarë edhe detaje nga një bisedë e tij me Vuçiqin, në një bisedë me Jason Rezaian, një publicist të The Washington Post.

Deklarimet e Kurtit janë përfshirë në një editorial të publikuar nga Rezaian në të përditshmen e famshme amerikane.

“Demokracia më e re e Evropës është një front i ri në betejën e ideve SHBA-Rusi”, titullohet editoriali i publikuar nga Rezaian, një publicist, ish-korrespodent i The Washington Post për disa vjet në Teheran të Republikës Islamike të Iranit.

Rezaian, në editorialin e tij, shkruan se në qendër të tensioneve mes Kosovës dhe Serbisë “është mosgatishmëria e vazhdueshme e Serbisë për të njohur Kosovën si shtet të pavarur dhe sovran”.

“Nuk mund ta njoh Serbinë derisa ajo nuk më njeh mua. Pra duhet njohje reciproke dhe ne jemi të gatshëm të angazhohemi në këtë dialog”, shpjegoi Kurti në një bisedë për The Washington Post.

COMMENTS

x