fbpx

Kurti deklarohët për reduktimet e mëdha të rrymës: “Situata është e rëndë, vitin e kaluar s’e kemi imagjinuar se do të jemi në këtë gjendje”

HomeLajmeKosovë

Kurti deklarohët për reduktimet e mëdha të rrymës: “Situata është e rëndë, vitin e kaluar s’e kemi imagjinuar se do të jemi në këtë gjendje”

Kryeministri Albin Kurti është deklaruar për krizën energjetike në Kosovë dhe reduktimet e shtuara të rrymës.

Kurti ka thënë se situata është e vështirë teksa ka bërë të ditur se çmimet e energjisë në bursë kanë shkuar deri në 1000 euro për megavat orë.

Sipas, Kurtit, vitin e kaluar ka qenë e paimagjinuar që Kosova do të ndodhej në një situatë të tillë sivjet.

“Termocentrali Kosova A i ka tri njësi, që janë 60 vjet të tjetra, Kosova B dy njësi që janë 40 vjet të vjetra. Riparimet e nevojshme, prishjet e paparashikueshme po e zvogëlojnë gjenerimin, rrisin importin dhe po na shtojnë reduktimet. Çmimet e energjisë në bursë kanë shkuar deri në 1000 euro për megavat orë. Ka qenë e paimagjinueshme vitin e kaluar kjo situatë që po ndodh tash. Brengoseshim vitin e kaluar kur çmimet shkuan në 500 euro për megavat orë. Ende pa ardhur dimri kemi raste kur çmimet në bursë ndërkombëtare kanë arritur në 1000 euro. Situata është shumë e rëndë. Por po e bëjmë më të mirën e mundshme. Jam i bindur se do t’ia dalim. Por, nuk na çojnë askund grevat, bojkotet e mospuna”, ka thënë Kurti.

Në Kosovë gjatë ditës së djeshme ka pasur reduktime të shtuara të energjisë elektrike, gjersa reduktime deri në tri herë në ditë janë paralajmëruar edhe për sot.

x