fbpx

Kryeministri Kurti thotë se agresioni i Serbisë dhe rezistenca jonë, janë dy të vërteta historike e faktike

HomeLajmeKosovë

Kryeministri Kurti thotë se agresioni i Serbisë dhe rezistenca jonë, janë dy të vërteta historike e faktike

Kryeministri i Kosovës, Albin Kurti, ka bërë homazhe te varret e dëshmoreve të betejës së Godenit.

Kurti, përmes një postimi në facebook, shkroi se këta dëshmorë kujtohen me krenari e nderim në 24-vjetorin e rënies.

“Në luftën çlirimtare ranë katër dëshmorë të familjes Lleshi nga Vraniqi i Gjakovës. Marku e Kola më 7 gusht 1998 në betejën e Vraniqit dhe Prendi e Mema më 28 janar 1999 në betejën e Godenit. I përkujtuam me nderim e krenari në 24 vjetorin e tyre, të gjakut të tyre që u bë liria jonë. Lokja Hanë dhe Gega na prinin në homazhet e sotme te varri i tyre dhe lapidari tempull me katër shtylla”, ka shkruar Kurti.

Postimi i plotë:

Në luftën çlirimtare ranë katër dëshmorë të familjes Lleshi nga Vraniqi i Gjakovës. Marku e Kola më 7 gusht 1998 në betejën e Vraniqit dhe Prendi e Mema më 28 janar 1999 në betejën e Godenit. I përkujtuam me nderim e krenari në 24 vjetorin e tyre, të gjakut të tyre që u bë liria jonë. Lokja Hanë dhe Gega na prinin në homazhet e sotme te varri i tyre dhe lapidari tempull me katër shtylla.

Para një çerek shekulli UÇK-ja organizoi popullin në kryengritje kundër pushtuesit dhe okupatorit serb i cili kreu gjenocid në Kosovë. Agresioni e krimet e Serbisë dhe rezistenca e qëndresa jonë janë e vërteta historike e faktike.

Lavdi gjithë dëshmorëve e martirëve të kombit shqiptar!

x