Kim Mehmeti kërkon nga shqiptarët në shkup që, jo vetëm sheshët, por edhe shtëpitë t’i stolisin me mbishkrimin “I love Çameria”

HomeLajmeMaqedoni e veriut

Kim Mehmeti kërkon nga shqiptarët në shkup që, jo vetëm sheshët, por edhe shtëpitë t’i stolisin me mbishkrimin “I love Çameria”

Policia maqedonase, pa asnjë sqarim, sot i paska hequr mbishkrimet ‘E duam Çamërinë”. E mediat maqedonase qenkan alarmuar nga ‘irredentizmi’ shqiptar, i shprehur nëpërmjet dashurisë ndaj një pjese të vetvetes!

Nuk ka dyshim se, sikur të mundej, policia maqedonase do e shlyente nga kujtesa jonë jo vetëm kujtesën për tragjedinë çame, por edhe mbëmendjen për vetveten. Pra do na e ndalonte ta duam gjithë shqiptarinë dhe do na çonte të mburreshim me himnin shtetëror që rrëfen për ‘maqedonasit e kudondodhur, që janë zgjuar dhe luftojnë për të drejtat e tyre”?!

Por sidoqoftë, ne shqiptarët e Maqedonisë duhet ta kuptojmë se nuk kemi gjithaq problem me antishqiptarinë institucionale, e cila donë të na bind se për ne çdo gjë duhet të përfundojë te trau ndërkufitarë në Qafë të Thanës dhe në Bllacë, por problemi jonë janë edhe disa ‘shkije’ tanë që ndërrojnë ngjyrën nga e kuqja në të gjelbër, si të ishin kameleonë, por të cilët assesi nuk e kuptojnë se kolltukët e tyre janë veshur me përbuzjen dhe urrejtjen nda shqiptarisë.

Andaj tani jo vetëm sheshet, por edhe shtëpia e çdo shqiptari shkupjanë, duhet të stoliset me mbishkrimin ‘E dua dhe kurrë nuk e harrojë Çamërinë”! Dhe të shohim a do vijë policia maqedonase t’i gëlqeros edhe muret e shtëpive tona! {Kim Mehmeti}

COMMENTS