Modelja e njohur shqiptare, Kejvina Kthella është ndër banoret më të komentuara të Big Brother VIP Albania.
Bukuroshja bionde është kthyer në një ndër personazhet që po merr më së shumti vëmendje edhe debatet me banorët e tjerë dhe rrëfimet nga jeta personale.
Në ‘Prime’ që u mbajt mbrëmë (e shtunë), Kejvina bashkë me Efin u dënuan me hyrje në rulot nga ‘Vëllai i Madh’ për shkak të një debati që ndodhi mes tyre ditë më parë.
Foto: Screenshot/ Big Brother VIP Albania
Pas spektaklit, Kejvina ka hapur zemrën dhe ka rrëfyer për Efin marrëdhënien e kaluar abuzive që kishte përjetuar.
“Kisha hedhur një foto në Facebook me opsionin publik, ishte foto normale, më tha pse ke hedhur foton publike, jo të rrahur, ai ishte dy metra me muskuj (shpjegon me duar se e godiste me grushte), nuk pyeste fare, donte të më vriste, ndalonte vetëm kur filloja të qaja dhe më merrej fryma”, tha Kejvina.
Foto: Screenshot/Big Brother VIP Albania
Tutje, modelja tha se pas këtij rasti kishin lajmëruar policinë, ajo ndër tjera tha se kishte frikë edhe ta denonconte për shkak të kërcënimeve që ai i bënte.
“Na ndan në dhoma të ndryshme policia, se ne jetonim bashkë, policet femra nga unë, ata meshkuj te ai, më thoshin denoncoje këtu, erdhi dhe ambulanca isha e gjakosur, ta kisha denoncuar ai nuk do të dilte më nga burgu, ai me tonë të lart më thoshte shqip ‘mos harro se unë do të dalë, ke një vëlla”, ka treguar ajo.
Kujtojmë që edhe Efi mbrëmë ka treguar se vite më parë kishte përjetuar një lidhje të tillë abuzive./Telegrafi