fbpx

Ish-këshilltari i Veselit i sulmon nënkryetarët Çitaku e Nikaj, thotë se këta nuk kanë të drejtë të flasin në emër të PDK-së!

HomeLajmeKosovë

Ish-këshilltari i Veselit i sulmon nënkryetarët Çitaku e Nikaj, thotë se këta nuk kanë të drejtë të flasin në emër të PDK-së!

Zyrtari i PDK-së, Njazi Kryeziu, që ka qenë këshilltar i ish-kryeparlamentarit Kadri Veseli, nuk është i kënaqur me një pjesë të kryesisë së partisë. Ai ka kritikuar paraqitjen e mbrëmshme të Vlora Çitakut dhe Bernand Nikajt në Pressing.

Kryeziu i konsideron “vetëm të emëruar” dhe të padenjë për ta përfaqësuar PDK-në, dy ish-ambasadorët, Vlora Citakun dhe Bernand Nikajn, që tash janë pjesë e kryesisë së PDK-së.

“Asnjëri nuk kanë legjitimitet në postet e tyre sepse nuk kanë marrë pjesë në asnjë nivel të zgjedhjeve të brendshme të PDK-së”, ka shkruar Kryeziu në Facebook, transmeton Gazeta Express.

Tutje ai thotë se në pozitat që dyshja bart tani në PDK, “janë të emëruar, ashtu siç kanë qenë të emëruar ambasadorë”.
“Të emëruarit sado që mund të tingëllojnë mirë e mençur vetëm të emëruar mbeten”, shkruan ai.

Kryeziu akuzon Çitakun dhe Nikajn se nuk e kanë respektuar asnjë shkronjë të statutit të partisë dhe e kanë shkeluar atë për të marrë pozita.

“Me që jemi te Kushtetuta që aq shumë po e përmendin në debat, Kushtetuta e partisë është Statuti, që asnjëherë asnjë shkronjë nuk e keni respektuar për të garuar apo fituar ndonjë pozitë. Është jomorale politikisht dhe e çrregullt legalisht me shitë mend në emër të demokratëve të Kosovës”.

Ndryshe, nënkryetarja e PDK-së, Vlora Çitaku dhe anëtari i kryesisë, Bernand Nikaj, kanë qenë mbrëmë të ftuar në emisionin “Pressing” në T7. Ata kanë komentuar qeverisjen e Albin Kurtit, por edhe për gjendjen në partinë e tyre.

COMMENTS

x