Ja ku renditet ushtria e Shqipërisë në krahasim me Serbinë (Foto)

Shqipëria është vendi i 9-të sa i përket fuqisë më të dobët ushtarake në Europë, thotë indeksi më i fundit global i fuqisë ushtarake.

Sipas klasifikimit më të ri të vitit 2019, Shqipëria është vendi i 92-të në botë ndër 137 shtete të ndryshme të globit.

Indeksi tregon se Shqipëria ka bërë hapa prapa në krahasim me vitin e kaluar, kur renditej në vendin e 86-të në botë.

Sipas Globalfirepower, sa i përket rajonit, Shqipëria në këtë renditje lë pas Maqedoninë e Veriut, Malin e Zi, si dhe Bosnje Hercegovinën.

Indeksi i përgjithshëm përllogaritet mbi bazën e 64 nën-indikatorëve, që nga ata tërësisht ushtarakë e deri te indikatorët ekonomikë.

Sa i përket vendeve anëtare të NATO-s, nga 27 vende anëtare Shqipëria renditet duke lënë pas vetëm Letoni, Estoninë dhe Malin e Zi, anëtarin më të ri të Aleancës Veri-Atlantike.

Në disa nga nën-indikatorët ushtarakë Shqipëria performon mjaft mirë, duke u renditur edhe e 21-ta në botë, në rastin e artilerisë lëvizëse, më mirë se vende si Brazili, Japonia, Greqia, Serbia, apo edhe Izraeli, sa për të përmendur disa. Në një tjetër indikator, atë të shpenzimeve buxhetore për mbrojtjen, Shqipëria renditet e 111-ta në botë ndër 137 ekonomi.

Sa i përket personelit ushtarak aktiv, me vetëm 10 mijë të tillë, Shqipëria renditet e 118-ta në botë.

Loading...