fbpx

Ilaçi i ri që zgjat jetën vjen nga Kina, a e dinit?

HomeLifestyleShendetësi

Ilaçi i ri që zgjat jetën vjen nga Kina, a e dinit?

Ilaçi i quajtur “aldometanib” sipas shkencëtarëve të zgjat jetën.

Ai është prodhuar nga një grup shkencëtarësh kinezë. Sipas tyre ilaçi simulon efektet e agjërimit në qeliza, duke aktivizuar një enzimë që rregullon konsumin e energjisë dhe redukton akumulimin e yndyrës. Përbërja kimike e cila zgjati në mënyrë të shëndetshme jetëgjatësinë te minjtë dhe krimbat mund të përdoret gjithashtu te njerëzit si një terapi për trajtimin e çrregullimeve metabolike si diabeti dhe mëlçia e dhjamosur. Rezultatet e studimit u publikuan në “Nature Metabolism”.

Ilaçi ka zgjatur jetëgjatësinë e krimbave nga 18 në 26 ditë dhe të minjve nga me të paktën 7.5%. Brejtësit treguan gjithashtu nivele të ulëta të glukozës në gjak dhe përmirësim të mëlçisë së dhjamosur. Pas një muaji trajtim me “aldometanib”, minjtë përmirësuan formën e tyre fizike, duke humbur masën dhjmaore dhe pas një viti ata ishin më rezistentë në ecje dhe kishin forcë më të madhe shtrëngimi.

“Aldometanib” funksionon duke aktivizuar një enzimë që rregullon konsumin e energjisë, e quajtur AMPK dhe që është e pranishme në çdo qelizë eukariote dhe aktivizohet natyrshëm kur furnizimet me glukozë janë të ulëta. Ilaçi parandalon që një derivat metabolik i glukozës të lidhet me aldolazën një enzimë që zbërthen sheqernat për energji. “Aldolaze është si një palë gërshërë,” shpjegon Sheng-Cai Lin, një nga autorët: “Kur nuk gjen ind për të prerë, aktivizon AMPK”.