Ministrja e Drejtësisë, Albulena Haxhiu, ka njoftuar se ka marrë vendim për suspendimin e përmbaruesit privat Ilir Mulhaxha.
Sipas saj, vendimi është marrë pas kërkesës së AKP-së për inicimin e procedurës disiplinore ndaj permbaruesit privat, mbi bazën e shkeljeve ligjore të pretenduara.
”Andaj, për t’u siguruar që procedura disiplinore zhvillohet pa pengesa dhe pa asnjë ndikim, kam marrë vendim siç përcaktohet në dispozitiv. Nuk mund të tolerojmë që mbi kurrizin e interesit të përgjithshëm të realizohen interesa të kundërligjshme personale”, ka shkruar Haxhiu në Facebook. /IndeksOnline