fbpx

Dy shqiptarë të nominuar për “iHeart Radio Music Awards 2022”

HomeMagazina

Dy shqiptarë të nominuar për “iHeart Radio Music Awards 2022”

Nominimet për çmimet e iHeartRadio Music Awards 2022 u shpallën të enjten nga iHeartMedia dhe FOX Entertainment.

Çmimet muzikore iHeartRadio nderojnë artistët dhe këngët më të suksesshme në stacionet iHeartRadio dhe aplikacionin iHeartRadio gjatë gjithë vitit 2021, duke ofruar gjithashtu një pamje paraprake të hiteve të ardhshme të vitit 2022.

Artistët që kanë marrë nominime të shumta përfshijnë emrat e njohur si: Justin Bieber, Ariana Grande, Olivia Rodrigo, Doja Cat, Giveon dhe Drake, shkruan DailyMail.

Në nominimet për këngën më të mirë janë: “Bad Habit” – Ed Sheeran, “Drivers license” – Olivia Rodrigo, “Easy On Me” – Adele, “Kiss Me More” – Doja Cat në bashkëpunim me SZA, “Leave The Door Open” – Bruno Mars, Anderson .Paak, dhe Silk Sonic, “Levitating” – Dua Lipa, “MONTERO (Call Me By Your Name)” – Lil Nas X, Peaches – Justin Bieber në bashkëpunim me Daniel Caesar dhe Giveon, “Positions” – Ariana Grande dhe Stay, The Kid LAROI dhe Justin Bieber.

Çmimet e Muzikës iHeartRadio 2022 do të transmetohen drejtpërdrejt nga Auditoriumi “Shrine” në Los Angeles, të martën, më 22 mars në FOX.

Të nominuar janë gjithashtu: Ed Sheeran, Megan Thee Stallion, Måneskin, Taylor Swift, Jason Aldean, Billie Eilish, BTS, David Guetta, Tate McRae, Daniel Caesar, The Weeknd, Five Finger Death Punch dhe Cardi B.

Ngjarja do të dëgjohet gjithashtu në stacionet radiofonike iHeartMedia në mbarë vendin dhe në aplikacionin iHeartRadio.

Shfaqja do të ofrojë prezantime çmimesh në kategori të shumta, performanca live nga artistët më të mëdhenj të muzikës, momente befasuese në skenë dhe do të tregojë historitë e rrugës së artistëve fitues drejt suksesit.

Që nga fillimi i këtij evenimenti në vitin 2013, iHeart Radio Music Awards ka sjell ndër vite performanca live nga super yjet e njohur si: Alicia Keys, Bruno Mars, Elton John, Garth Brooks, Rihanna, Halsey, Justin Bieber, John Legend, Kacey Musgraves, Chris Martin, Ariana Grande, The Weeknd, Bon Jovi, Maroon 5, Camila Cabello, Taylor Swift, Katy Perry, Ed Sheeran, Big Sean, Sam Smith, Madonna, Blake Shelton, Pharrell, Pitbull dhe shumë të tjerë.

“Çmimet e Muzikës iHeartRadio 2022 do të nderojnë edhe një herë artistët dhe këngët e shkëlqyera që kemi shfaqur në stacionet iHeartRadio gjatë gjithë vitit të kaluar”, tha Tom Poleman, President dhe Drejtor Kryesor i Programimit për iHeartMedia.

Nga shqiptarët të nominuar janë dy artistë: Dua Lipa dhe DJ Regard.

Dua Lipa kandidon për çmimin “Artistja femër më e mirë e vitit” dhe “Kënga më e mirë e vitit” për këngën e saj “Levitating”.

Ndërkohë, Regard është nominar për çmimin “Artisti më i mirë elektronik” dhe “Kënga më e mirë ritmike e vitit” për këngën “You” në bashkëpunim me Troye Sivan dhe Tate McRae.

Votimi fillon sot më 27 janar dhe do të mbyllet më 15 mars në orën 23:59 (PT) për të gjitha kategoritë. Fansat shqiptarë mund të votojnë Dua Lipën ose Regardin në Twitter duke përdorur hashtag-et e duhura të kategorisë dhe kandidatëve ose përmes faqëz zyrtare të evenimentit.

COMMENTS

x