fbpx

Drejtori i CIA-s udhëtoi për në Kiev, takohet me Volodymyr Zelensky

HomeLajmeBota

Drejtori i CIA-s udhëtoi për në Kiev, takohet me Volodymyr Zelensky

Drejtori i CIA-s Bill Burns udhëtoi për në Kiev për t’u takuar me presidentin ukrainas Volodymyr Zelensky dhe homologët e tij të inteligjencës, të martën, sipas një zyrtari amerikan. Zyrtari tha se Burns ishte i sigurt në Ambasadën e SHBA gjatë sulmeve me raketa ruse në të gjithë vendin, duke përfshirë shpërthimet që tronditën kryeqytetin e vendit.

Udhëtimi i drejtorit të CIA-s në Kiev erdhi pas një takimi të hënën në Ankara, Turqi , me homologun e tij të inteligjencës ruse, Sergey Naryshkin, dhe kjo është hera e dytë në më pak se një muaj që ai viziton Kievin.

Ndërsa ishte atje, zyrtari tha se Burns “diskutoi paralajmërimin e SHBA-së që ai i dha kreut të SVR-së së Rusisë për të mos përdorur armë bërthamore dhe përforcoi angazhimin e SHBA-së për të ofruar mbështetje për Ukrainën në luftën e saj kundër agresionit rus”.

Burns dhe zyrtarë të tjerë amerikanë kanë thënë publikisht se nuk shohin prova që Moska po përgatitet në mënyrë aktive për të ndërmarrë një hap të tillë, por zyrtarë të njohur me inteligjencën paralajmërojnë se rreziku është ndoshta më i larti që ka qenë që kur Rusia pushtoi Ukrainën në shkurt.