Bilanci i protestës së djeshme të mbeshtetesve të Berishës: “59 qytetar të arrestuar dhe 7 të lenduar”

0 minutes, 54 seconds Read

Pas përplasjeve fizike dhe incidenteve të ndodhura në selinë e PD ditën e shtunë, Policia ka nisur shoqërimet e disa prej pjesëmarrësve në komisiarat.

Avokati i Popullit publikoi shifrat e para për numrin e personave që janë ndaluar nga forcat e rendit, për ngjarjet që kanë lidhje me protestën, raporton euronews.

Në një njoftim për mediat, institucioni i avokatit të popullit thotë se në komisariate janë shoqëruar 59 qytetarë. Nga këta, 8 prej tyre ishin të mitur.

Përplasjet fizike dhe dhuna në selinë e PD ka shkaktuar dhe disa të lënduar. Në spitalin Ushtarak dhe në Qendrën shëndetësore universitare “Nënë Tereza” kanë marrë mjekim shtatë persona. Një prej të lënduarve nga protesta është një punonjës i forcave të rendit. Mes të lënduarve janë dhe tre femra.

Në reagimin e Avokatit të Popullit për protestën para PD, theksohet se Policia e Shtetit ka përdorur gaz lotsjellës në një nivel të lartë edhe ndaj qytetarëve që nuk ishin aktiv në protestë.

Publikime te ngjashme

Leave a Reply

Your email address will not be published. Required fields are marked *