fbpx

BE konfirmon që Borrell do të ketë takim të përbashkët me Kurtin dhe Vuçiqin

HomeLajmeKosovë

BE konfirmon që Borrell do të ketë takim të përbashkët me Kurtin dhe Vuçiqin

Përmes njoftimit, BE-ja ka bërë të ditur se Borrell do të pret Kurtin e Vuçiqin me fillim nga ora 08:00 në mëngjes në takime ndaras.

Më pas, sipas njoftimit, do të ketë takim trepalësh ku fokusi do të jetë te targat ilegale serbe dhe kthimi i serbëve në institucionet e Kosovës.

“Fokusi i takimit emergjent do të jetë që të gjendet një rrugë për të dalë nga kriza aktuale dhe të evitohen përshkallëzimet e mëtutjeshme dhe tensionet në terren, me theks te targat dhe kthimi i serbëve të Kosovës në insititucione të Kosovës”, thuhet në njoftim.

Më pas, BE-ja njofton se do të ketë edhe një deklaratë për media nga Përfaqësuesi i Lartë në fund të takimit.

Ndryshe, Policia e Kosovës ka njoftuar se është shtyrë deri më 22 nëntor vendimi për gjobitjen e serbëve që bartin targa ilegale.