Barca minimizon shpresat për titull, barazon edhe me Atleticon

HomeSportSporti ndërkombëtar

Barca minimizon shpresat për titull, barazon edhe me Atleticon

Barcelona nuk ka arritur të marrë më shumë se një pikë në derbin përballë Atletico Madrid, duke barazuar 2:2 në ‘Camp Nou’, për të mbetur pas Real Madridit në renditjen tabelare, që të enjten në shtëpi pret Getafen.

Një autogol i Diego Costas, i dhuroi epërsinë prej 0-1 Barcelonës në minutën e 11’, shkruan lajmi.net.

Në minutën e 19’, rezultati u barazua në 1:1, kur mesfushori Saul shënon nga penalltia.

Edhe dy golat e tjerë që u shënuan në vazhdimin e kësaj ndeshje, erdhen si pasojë e penalltive.

Fillimisht Lionel Messi, që në minutën e 50’ me një ‘panenkë’ riktheu epërsinë e Barcelonës në 2:1, për golin e 700-të në karrierë.

Por, kjo epërsi nuk zgjati më shumë se 12 minuta, me Saul që shënoi edhe golin e dytë nga penallita, për 2:2, që doli të jetë edhe rezultati përfundimtar i ndeshjes.

Ky barazim, e lë Barcën pas Real Madridit me një pikë më pak, me ‘Los Blancos’ që mund të shkojnë në +4, nëse të enjten mposhtin Getafen.

Loading...

COMMENTS