fbpx

Babai e denoncoi se ia ngacmoi vajzën, arrestohet një person nga Istogu

HomeLajmeKosovë

Babai e denoncoi se ia ngacmoi vajzën, arrestohet një person nga Istogu

Policia e Kosovës përmes një komunikate për media ka bërë me dije se kanë arrestuar të dyshuari L.G nga një fshat i Istogut pasi që dyshohet se  përmes rrjeteve sociale ka kontaktuar një femër.

Siç njofton Policia, gjatë bisedave me video, i dyshuari dyshohet se ka kryer veprën penale “keqpërdorim i fëmijëve në pornografi.

Në njoftimin e Policisë thuhet se rastin fillimisht në stacionin Policor të Fushë Kosovës e ka raportuar babai i vajzës.

Njoftimi i plotë i Policisë së Kosovës:

Pas raportimit të rastit, në Stacionin Policor në Fushë Kosovë, nga ankuesi mashkull kosovar se vajza e tij është ngacmuar përmes rrjeteve sociale nga një mashkull i panjohur, policia ka iniciuar rastin ‘ngacmim’ (31.08.2022) dhe ka filluar hetimet rreth zbardhjes së rastit.

Rasti më pas është trajtuar nga Drejtoria për Hetimin e Krimit të Organizuar – Sektori për Hetime të Krimeve Kibernetike. Hetuesit policorë pas veprimeve hetimore intensive kanë arritur të identifikojnë të dyshuarin L.G., (mashkull kosovar, nga një fshat i Istogut), i cili dyshohet se përmes rrjetit social ka kontaktuar me viktimën femër. Gjatë atyre bisedave me video, i dyshuari, dyshohet se ka kryer veprën penale ‘keqpërdorim i fëmijëve në pornografi’.

I dyshuari është arrestuar sot, më 02.09.2022 dhe si provë materiale është konfiskuar një telefon celular. Pas intervistimit me aktvendim nga prokurori i dyshuari është dërguar në ndalim policorë

x