A do të shkoj nesër në seancë të jashtëzakonshme LDK?

Lidhja Demokratike e Kosovës(LDK) ende nuk ka vendosur se a do të marrin pjesë në seancën e jashtëzakonshme që do të mbahet nesër.

Kuvendi i Kosovës ka konfirmuar se nesër në ora 14:00 do të mbahet seanca e jashtëzakonshme e Kuvendit ku diskutohet mbi referendumin e Serbisë në Kosovë.

Shefi i Grupit Parlamentar të LDK-së, Arben Gashi ka thënë se nesër pas një takimi të grupit parlamentar do të vendosin a do të jenë pjesë në seancë ku do të diskutohet mbi referendumin e Serbisë në Kosovë.

“Nesër do të mblidhet grupi parlamentar i LDK-së që të diskutojmë se a do të marrim pjesë në seancë apo jo”, tha Gashi.