Petkoviq politikanëve të Kosovës: “hiqni dorë nga kërcënimet”

HomeLajmeKosovë

Petkoviq politikanëve të Kosovës: “hiqni dorë nga kërcënimet”

“Kërcënimi i fundit i Ramush Haradinajt për bashkimin me Shqipërinë ka zbuluar edhe një herë se sa i thellë është mosrespektimi i lidershipit politik shqiptar në Prishtinë ndaj bashkëqytetarëve me kombësi serbe”, tha Igor Popoviq, ndihmës i drejtorit të të ashtuquajturës zyrë për Kosovën në Qeverinë e Serbisë, Petar Petkoviq.

“Kërcënimet e këtij lloji, të cilat gjithmonë mbajnë një shenjë dhune midis linjave, iu dërguan Serbisë dhe serbëve këtë herë përpara festës më të madhe të tyre, kur të gjithë të krishterët ortodoksë dërgojnë mesazhe paqeje dhe tolerance për njëri-tjetrin dhe për fqinjët e tyre të besime të tjera. Kosova dhe Metohija është një pjesë integrale e Republikës së Serbisë, si në bazë të Kushtetutës sonë dhe të së drejtës ndërkombëtare, dhe mënyra e vetme e arsyeshme për të zgjidhur të gjitha mosmarrëveshjet në lidhje me këtë çështje është dialogu”, tha Popoviq.

Ai pati edhe një mesazh për politikanët në Kosovë, të cilët Popoviq pretendon se po i kërcënojnë serbët.

“Me këtë rast, unë u bëj thirrje politikanëve në Prishtinë që të heqin dorë nga kërcënimet dhe të tregojnë përgjegjësi elementare ndaj të gjithë banorëve të Kosovës dhe Metohisë dhe rajonit, duke tejkaluar përfundimisht retorikën luftarake nga fundi i shekullit të kaluar për të krijuar vazhdimisht probleme”, tha Popoviq.

Kryetari i Aleancës për Ardhmërinë e Kosovës, Ramush Haradinaj, dje e ka bërë edhe një herë të qartë qëndrimin e tij, se “nëse Kosova nuk pranohet në NATO, rrugëtim ky i kamotshëm, atëherë duhet të bashkohemi më Shqipërinë”.

“Ne duhet të mbrojmë vlerat e krijuara, më e madhja e të cilave është liria, duke e forcuar sigurinë dhe duke ndjekur rrugën drejt NATO-s ose bashkimit me Shqipërinë” ka deklaruar Haradinaj.

Këto komente Haradinaj i bëri në manifestimin qendror në Llukë të Deçanit, në vendin ku u organizua Pajtimi i Gjaqeve, 22 vjet më parë.

COMMENTS