fbpx

Pesë persona që e luftonin Islamin: si u bënë muslimanë?

HomeBota

Pesë persona që e luftonin Islamin: si u bënë muslimanë?

Të pestë ishin ndër armiqtë më të ashpër dhe më të mëdhenj të Islamit në kohët e fundit, por më pas u bënë ndër muslimanët më shembullorë.

Kush janë këta:

Aranud van Dorn, një nga autorët dhe promovuesit e filmit “Fitna”, i cili fyen Profetin Muhamed. Ai ishte anëtar i Partisë së Lirisë e ekstremit të djathtë holandez që lufton kundër Islamit dhe është armiqësore ndaj tij. Dhe më pas në vitin 2013, në llogarinë e tij në Twitter në gjuhën arabe, tha Shehadetin, kredon bazë islame, duke shkruar: “Eshhadu en la ilahe illallah, ve eshhedu enne Muhammedn abduhu ue resuluhu – Dëshmoj se nuk ka zot të vërtetë përveç Allahut, dhe dëshmoj se Muhamedi është robi i Allahut dhe i Dërguari i Tij.”

Më pas ai udhëtoi për në Mekë dhe Medinë dhe qëndroi para varrit të Profetit duke qarë dhe duke kërkuar falje për atë që kishte bërë, duke thënë: “Unë do të bëj një film duke lavdëruar të Dërguarin e Zotit”.

Balbir Singh, një ekstremist hindu, i cili në vitin 1992 mori pjesë në prishjen e “Xhamisë Babri”, një nga xhamitë më të rëndësishme të Indisë, dhe i pari që u ngjit në majë të kupolës së xhamisë duke mbajtur një çekiç në dorë dhe duke rrëzuar kupolën.

Menjëherë pas kësaj ai pranoi Islamin. I penduar që ka marrë pjesë në shembjen e “Xhamisë Babri”, vendosi të ndërtojë 100 xhami në Indi. Dhe me të vërtetë ndërtoi dhe rindërtoi më shumë se 90 xhami për muslimanët në Indi, duke u bë njëherësh një nga ftuesit më të famshëm në Islam.

Paul Kennedy, një prift dhe bir i një prifti, udhëhoqi grupe për të përhapur krishterimin në Afrikë dhe trajnoi misionarë mbi metodat e predikimit dhe përhapjes së krishterimit. Vatikani i dha detyrë të vizitonte më shumë se 15 vende afrikane (duke i siguruar një buxhet të madh) për të kundërshtuar fenomenin e përhapjes së Islamit në Afrikë, por ai u konvertua në Islam dhe filloi të ftojë njerëz në Islam.

“Unë do t’i thërras njerëzit në Islam në të gjitha vendet ku kam thirrur në krishterim“, deklaroi ai.

Joram van Claveren, një kritik i ashpër i Islamit i cili tha se “Islami është një gënjeshtër” dhe se “Kurani është helm”, siç raportohet nga gazeta “NCR” që e intervistoi atë. Van Claveren ishte anëtar i parlamentit holandez nga viti 2010 deri në vitin 2014 dhe përfaqësoi Partinë e Lirisë, të udhëhequr nga një politikan ekstrem i njohur për pikëpamjet e tij anti-islamike, Geert Wilders. Van Claveren u tërhoq nga partia në 2014.

Ai vendosi të shkruante një libër që do të ishte bombë për muslimanët, pasi përmbajtja e të cilit do të ofendonte Islamin dhe Profetin. Por në një intervistë, Van Claveren tha se gjatë përgatitjes së një libri kundër Islamit, ai ndryshoi bindjet e tij dhe e ktheu librin e tij në “argumente për të hedhur poshtë paragjykimet e jomuslimanëve”, duke i dhënë titullin “Konvertuar nga krishterimi në Islam”.

Daniel Streich, antiislamisti më i madh në Zvicër. Ai ishte një nga aktivistët më të egër që pengoi ndërtimin e minareve në Zvicër dhe ishte ai që përhapi fjalën se “Islami dhe terrorizmi janë dy anët e së njëjtës medalje”. Pengimi nga

ndërtimi i minareve në të gjithë Zvicrën dhe urrejtja e tij ndaj Islamit e detyruan të lexojë disa libra muslimanë dhe të studiojë Kuranin në mënyrë që t’u përgjigjet muslimanëve, por në fund ai tha: “Dëshmoj se nuk ka Zot të vërtetë përveç Allahut dhe se Muhamedi, është rob dhe i Dërguari i Tij.”

Pasi u konvertua në Islam, ai tha: “Më vjen turp nga vetja për armiqësinë time ndaj Islamit. Islami më ka dhënë përgjigje logjike për pyetje të rëndësishme të jetës, përgjigje që nuk mund t’i gjeja në krishterim”. Ai është bërë kundërshtar i ashpër i vendimit për ndalimin e minareve në Zvicër dhe po bën përpjekje që xhamitë në këtë vend të jenë më të bukurat në Evropë./tesheshi.com

COMMENTS